පොසොන් පොහොය නිමිත්තෙන් රජරට බලා වන්දනාවේ පැමිණෙන බැතිමතුන් වෙත ජාතික නාමල් උයනේ නිර්මාතෘ, වනවාසී රාහුල හිමි විශේෂ ඉල්ලීමක් කරති.

අනුරාධපුරයේ අටමස්ථානය, මිහින්තලය වැනි  ප්‍රධාන විහාරස්ථාන පොසොන් පොහොය දිනට ජාති ආගම් භේදයකින් තොරව ලංකාවාසී සියලු ජනතාවගෙන් පිරී ඉතිරී යයි.

මෙලෙස වන්දනාවේ පැමිණෙන වන්දනාකරුවන් පොලිතීන් භාවිතයෙන් බැහැරව සිය ආගමිකවතාවත්හි නිරතවන ලෙස උන්වහන්සේ මෙහිදී බැතිමතුන්ගෙන් ඉල්ලා සිටිති.

එහි දී වැඩිදුරටත් අදහස් දැක්වූ නාමල් උයනේ නිර්මාතෘ, වනවාසී රාහුල හිමියන්,
 
”පොසොන් උත්සවය තමයි මේ රටේ තියෙන ප්‍රධානම උත්සවය. මිහිදු මහා රහතන්වහන්සේ බෞද්ධ දර්ශනය මේ රටට රැගෙන ආවේ, උතුම් වූ පොසොන් පෝය දවසේ. ඒ දවස තමයි රජරටට තියෙන විශේෂම දවස. මේ වෙලාවේ මම ඉල්ලීමක් කරනවා. මේ රටේ ඉන්න සියලුම ජනතාවගෙන් බෞද්ධ වේවා, කතෝලික වේවා මේ හැමකෙනාම එනවා යනවා අනුරාධපුරයට. ඒ එනකොට පොලිතීන් ගේන්න එපා. පොලීතීන් භාවිතයෙන් බැහැරවෙලා වන්දනාමාන කරන්න එන්න. අනුරාධපුර මහදිසාපතිතුමන්ගේ ප්‍රධානත්වයෙන් කමිටු පිහිටුවලා ආරක්ෂක අංශවල සහාය ලබා ගෙන, මේ වන්දනා ගමන් විනෝද චාරිකා ලෙස ගමනාන්තය අවසන් කිරීම නෙමෙයි කළ යුත්තේ. මිනිස්සුන්ගේ අධ්‍යාත්මය සංවර්ධනය කරන වැඩපිළිවෙලක් හැටියට පොසොන් පෝය
පොසොන් දවස මේ රජරට ක්‍රියාත්මක විය යුතුයි.”